काठमाण्डौं । गएको साता देखी ओरालो लागेको कोरोना संक्रमितहरुको संख्या हिजो भन्दा आज बढी देखिएको छ । आज थप २ हजार ५२५ जनामा संक्रमण देखिएको छ ।
देशको विभिन्न प्रयोगशालामा गरिएको १४ हजार ८१० नमूना परीक्षणमा मंगलबार २ हजार ५२५ जनामा संक्रमण देखिएको स्वास्थ्य तथा जनसंख्या मन्त्रालयले पुष्टी गरेको हो ।
आज संक्रमण देखिएका मध्ये ९ हजार ९०९ जनाको पीसीआर गर्दा २ हजार २० जना र ४ हजार ९०१ जनाको एन्टिजेन परीक्षण गर्दा ५०५ जनामा संक्रमण देखिएको छ । यो सहित नेपालमा संक्रमितहरुको संख्या पीसीआर तर्फ ७ हजार ५१ हजार १ जना र एन्टिजेन तर्फ ८० हजार ९६७ जना रहेका छन् ।
मंगलबार थप देशको विभिन्न स्थानिय तहमा रहेका २ हजार ८६ जनाले कोरोना जित्न सफल भएका छन् । यो सहित नेपालमा कोरोना जित्नेको संख्या ७ लाख २ हजार १८३ जना पुगेको मन्त्रालयले जनाएको छ ।
त्यस्तै गरी पछिल्लो २४ घण्टामा कोरोना संक्रमणबाट थप ३५ जनाले ज्यान गुमाएका छन् । यो सहित नेपालमा संक्रमणका कारण ज्यान गुमाउनेको संख्या १० हजार ५६८ जना पुगेका छन् ।
