सर्लाही । सर्लाहीबाट पेस्तोल सहित प्रहरीले २ जनालाई नियन्त्रणमा लिएको छ ।
पक्राउ पर्नेमा सर्लाही बरहथवा नगरपालिका ६ स्थित चोकबाट नलकटुवा पेस्तोल र ३ थान गोली सहित बागमती नगरपालिका ८ का २८ बर्षिय अरुण लामा र बरहथवा नगरपालिका ५ का २८ बर्षिय अगबर अंसारी रहेको सर्लाही प्रहरीले जनाएको छ ।
बीआर ३० जे ३०८० नम्बरको मोटसाइकलमा सवार उनीहरुलाई ईलाका प्रहरी कार्यालय बरहथवाबाट खटिएको प्रहरी टोलीले नियन्त्रणमा लिएको हो ।
मोटसाइलकको लेगगार्डमा झुण्डाएको झोला भित्र राखेर हिडी रहेका उनीलाई चेक जाँचका क्रममा प्रहरीले नियन्त्रणमा लिएको हो ।
पक्राउ परेका दुवै जनाको बारेमा थप अनुसन्धान भई रहेको सर्लाही प्रहरीले जनाएको छ ।
