पोखरा । समाजका विपन्न एवम् असहाय जेष्ठनागरिको स्याहार सुसार तथा उपचारमा सहयोग पु¥याउने उदेश्यका साथ यहाँको एक जोडी परिवारले आप्mनो वैवाहिक स्वर्ण जयन्तीको अवसर पारेर पोखरा वृद्धाश्रममा अक्षयकोष स्थापना गरेका छन् ।
पोखरा महानगरपालिका ९ निवासी दीपक बाटाजु र श्रृजना बाटाजुले वैवाहिक स्वर्णजयन्तीको उपलक्ष्यमा स्व.बुबाआमा गोकुललाल र मानकुमारी बाटाजुको स्मृतिमा ६ लाख ५१ हजार ५०० रुपैयाको अक्षयकोष स्थापना गरेका हुन् ।
बाटुजु परिवारले एक कार्यक्रमका बीच उक्त रकम बराबरको चेक आश्रमका अध्यक्ष कुशुमकेशव पराजुलीलाई हस्तान्तरण गरेको छ । बाटाजु परिवारले फजुल खर्च गर्नु भन्दा आश्रममा सहयोग गर्दा आफुहरुलाई आत्मसन्तुष्टि मिलेको बताए ।
पोखरा बृद्धाश्रममा ५५ जना आश्रित छन् । बृद्धाश्रम सञ्चालनका लागि गण्डकी प्रदेश सरकार सामाजिक विकास मन्त्रालयबाट १२ लाख र स्वास्थ्य तथा जनसंख्या मन्त्रालयबाट २० लाख रुपैया आर्थिक सहयोग प्राप्त भएको अध्यक्ष पराजुलीले जानकारी दिए ।
कार्यक्रममा बाटाजुलाई बृद्धाश्रमको तर्पmबाट दोसल्ला र सम्मानपत्रले सम्मान गरिएको थियो ।
