काठमाण्डौं । लेस्टर सिटीलाई पराजित गर्दै वेष्टहम युनाइटेड प्रिमियर लिगको शीर्ष स्थानमा उक्लेको छ ।
सोमबार राति भएको खेलमा वेष्टहमले १० जना खेलाडीमा समेटिएको लेस्टरलाई ४–१ ले पराजित गर्दै लगातार दोस्रो जित हात पारेको हो ।
लण्डनको घरेलु मैदानमा भएको खेलमा वेष्टहमका लागि माईकल एन्टोनियोले ८०औं र ८४औं मिनेटमा गोल गरे । यस्तै पाब्लो फोर्नाल्सले २६औं र सेड बेनराहमाले ५६औं मिनेटमा गोल गरेका थिए ।
लेस्टरका युरी थिलेमान्सले ६९औं मिनेटमा एक गोल गरे ।
४०औं मिनेटमा अयोज परेजले फल गरे पछि रेफ्रीले उनलाई रातो कार्ड देखाए पछि मैदान बाहिरिएपछि लेस्टर १० खेलाडीमा समेटिएको थियो ।