गोरखा । देशको विभिन्न भागमा आज लागूऔषध सहित ९ जनालाई प्रहरीले पक्राउ गरेका छ ।
कञ्चनपुर, रुपन्देही र सुनसरीमा गरी प्रहरीले सोमबार ९ जनालाई लागूऔषध सहित पक्राउ गरेको हो ।
प्रहरी प्रधान कार्यालयले दिएको जानकारी अनुसार कञ्चनपुरको भिमदत्त नगरपालिका १६ मझगाउँ बाह्रसिङगे चौराहबाट २.०६ ग्राम खैरो हेरोइन सहित सोही स्थानका २२ बिर्षय उमेश ठगुन्नालाई कञ्चनपुर र अस्थायी प्रहरी पोष्ट मझगाउँको संयुत्त प्रहरी टोलीले पक्राउ गरेको छ ।
त्यस्तै गरी रुपन्देहीको मायाँदेवी गाउँपालिका ८ पानी ट्याङकीबाट ५ केजी ५०० ग्राम गाँजा सहित सिद्वार्थनगर नगरपालिका ८ लखनचोकका २५ बर्षिय अफताव खान र गुल्मी रुरु गाउँपालिका २ बस्ने २५ बर्षिया लक्ष्मी कुवरलाई वडा प्रहरी कार्यालय भैरहवाको प्रहरी टोलीले पक्राउ गरेको छ ।
उता सुनसरीको धरान उप महानगरपालिका १० स्थित ड्रिमल्याण्ड होटलको ३६ नम्बर कोठाबाट ३ ग्राम ब्राउन सुगर सहित धरान उप महानगरपालिका ३ का २४ बर्षिय मोहमद नुरदिन र सप्तरी राजबिराज नगरपालिका ११ बस्ने ३० बर्षिय बमएदेम चौधरीलाई ईलाका प्रहरी कार्यालय धरानबाट खटिएको प्रहरी टोलीले नियन्त्रणमा लिएको हो ।
यसै गरी सुनसरीकै बराहक्षेत्र नगरपालिका ३ बाङगे नडाह सडक खण्डबाट ७ ग्राम ४३० मिलिग्राम खैरो हेरोइन सहित ४ जनालाई प्रहरीले पक्राउ गरेको छ ।
पक्राउ पर्नेमा बराहक्षेत्र नगरपालिका ६ का पुरुषोत्तम महता, विशाल बस्नेत, सोही नगरपालिका ९ का पाथे चन्द्रबंशी र जयन्त माईला रहेका छन् ।
गस्तीका क्रममा प्रहरीले चेक जाँच गर्ने क्रममा प्रदेश १–०२–०४४ प ४५५६ र प्र १–०२–०४२ प ४२२९ नम्बरको मोटरसाईकलबाट बरामद गरेको थियो ।
पक्राउ परेका सबैकाे थप अनुसन्धान भईरहेकाे प्रहरीले जानकारी दिएकाे छ ।
