काठमाण्डौं । नोबल कोरोना भाइरस (कोभिड–१९)बाट आज थप १ हजार ८०१ जनामा कोरोना संक्रमण पुष्टि भएको छ ।
देशैभरको विभिन्न प्रयोगशालामा गराएको ११ हजार ३२६ नमूना परिक्षणका क्रममा सोमबार १ हजार ८०१ जनामा संक्रमण देखिएको स्वास्थ्य तथा जनसंख्या मन्त्रालयले पुष्टी गरेको हो ।
आज संक्रमण देखिएका मध्ये ८ हजार ७०४ जनाको पीसीआर गर्दा १ हजार ५४८ जनामा र २ हजार ६२२ जनाको एन्टिजेन परिक्षणमा २५३ जनामा संक्रमण देखिएको छ । यो सहित नेपालमा संक्रमितहरुको संख्या पीसीआर तर्फ ७ लाख ८८ हजार ९८१ जना र एन्टिजेन तर्फ ८० हजार ४६२ जना पुगेका छन् ।
पछिल्लो २४ घन्टामा १ हजार ९२४ जनाले कोरोना जित्न सफल भएका छन् । यो सहित नेपालमा कोरोना जित्नेहरुको संख्या ७ लाख ९७ पुगेको छ।
मन्त्रालयका अनुसार सोमबार संक्रमणका कारण थप २४ जनाको ज्यान गएको छ । यो सहित नेपालमा कोरोना संक्रमणका कारण ज्यान गुमाउनेको संख्या १० हजार ५३३ जना पुगेको छ ।
