झापा । झापामा एकै परिवारका ३ जनाले आत्माहत्या गरेका छन् । जिल्लाको कनकाई नगरपालिका १ सिर्जना टोलमा बस्दै आएका विक दम्पतीका ८ महिनाकी छोरी सहित झुण्डीएको अवस्थामा फेला परेको झापा प्रहरीले पुष्टी गरेको हो ।
आत्माहत्या गर्नेहरुमा ३४ वर्षीय रविन विश्वकर्मा र २८ वर्षीया मुना विक रहेको प्रहरीले जनाएको छ । बन्द कोठाभित्र तीनै जना झुन्डिएको अवस्थामा फेला परेको झापा प्रहरीले जानकारी दिएको छ ।
प्रहरीले आत्माहत्या वा हत्या के हो भन्ने बिषयमा अनुसन्धान थालेको छ । बुवा, आमा र नाबालिका छोरी सहित घरको कोठा भित्र पासो लगाएर झुन्डिएको अवस्थामा फेला पारेको हो।
आमा छोरी एउटा पासोमा र बाबु अर्को पासोमा झुन्डिएको अवस्थामा स्थानियले देखे पछि प्रहरीलाई खबर गरिएको एक स्थानियले बताए । बिहान ढिलो सम्म नउठे पछी नजिकै घर भएकी काकी नाता पर्नेले झ्यालबाट हेदा झुण्डीएको अवस्थामा देखेर प्रहरीलाई खबर आएको प्रहरीले जनाएको छ ।