काठमाण्डौं । नोबल कोरोना भाइरस (कोभिड–१९)बाट आज थप १ हजार ९२० जनामा संक्रमण पुष्टी भएको छ ।
देशैभरको विभिन्न प्रयोगशालामा गरिएको १२ हजार ५१६ नमूना परीक्षणमा आइतबार थप १ हजार ९२० जनामा संक्रमण देखिएको स्वास्थ्य तथा जनसंख्या मन्त्रालयले पुष्टी गरेको हो ।
आइतबार संक्रमण पुष्टी भएका मध्ये ९ हजार ४४३ जनाको पीसीआर गर्दा १ हजार ७०२ जना र ३ हजार ७३ जनाको एन्टिजेन परीक्षण गर्दा २१८ जनामा संक्रमण पुष्टि भएको छ । यो सहित नेपालमा संक्रमितहरुको संख्या पीसीआर तर्फ ७ लाख ४७ हजार ४३३ जना र एन्टिजेन तर्फ ८० हजार २०९ जना पुगेका छन् ।
यस्तै आइतबार २ हजार २४८ जना कोरोनामुक्त भएका छन् । यो सहित नेपालमा कोरोना मुक्त हुनेको संख्या ६ लाख ९८ हजार १७३ पुगेको छ ।
पछिल्लो २४ घण्टामा संक्रमणबाट थप २४ जनाको ज्यान गएको छ । यो सहित संक्रमणबाट ज्यान गुमाउनेको संख्या १० हजार ५०९ पुगेको मन्त्रालयले जनाएको छ ।
हालसम्म कोरोनाका सक्रियसंक्रमितको संख्या ३८ हजार ७५१ पुगेको छ। यस्तै ६८१ जनाको आइसीयू र १६९ जनाको भेन्टिलेटरमा उपचार भइरहेको मन्त्रालयले जनाएको छ।