काठमाण्डौं । अफगानिस्तानको राजधानी काबुललाई तालिबानीले कब्जामा लिए संगै त्यहाँबाट भागेका राष्ट्रपति अशरफ गनीलाई संयुक्त अरब इमिरेट्स (युएई)ले शरण दिएको छ ।
युएईको विदेश मन्त्रालयले एक बयान जारी गरी गनीलाई मानवीय आधारमा आफ्नो देशमा स्वागत गरेको जानकारी दिएको हो ।
युएईले उत्त सूचना दिनुभन्दा पहिला गनी ताजिकिस्तान अथवा उज्बेकिस्तान गएको अनुमान गरिएको थियो ।विदेश पलायन भएका गनीले फेसबुक पोस्टमा आफ्नो देश छाड्नुपर्ने बाध्यता भएको बताएका थिए ।
उनले लेखेका थिए, ‘आज मैले एक कठिन फैसला गर्नुपरेको थियो । किनकि म सशस्त्र तालिबानलाई राष्ट्रपति भवनमा आउनबाट रोक्नतिर लागूँ कि, मेरो प्यारो देश जसलाई मैले २० वर्षसम्म सुरक्षा दिएँ, उसलाई छाडिदिऔँ ।’
काबुल सहर ध्वस्त भएको हेर्न नचाहने स्पष्ट पार्दै आफूले देश छाड्दा नै राम्रो हुने उनले उल्लेख गरेका थिए ।
यूएईले शरण दिए संगै गनी पुन सामाजिक सञ्जालमा सक्रिय भएका छन् ।
