काठमाण्डाैं । नोबल कोरोना भाइरस (कोभिड–१९)बाट आज थप ३ हजार ४०३ जनामा संक्रमण पुष्टि भएको छ ।
देशैभरको विभिन्न प्रयोगशालामा गरिएको ११ हजार ८३९ जनाको पीसीआर परीक्षणमा २ हजार ६१३ जनामा र ४ हजार ९९९ जनाको एन्टिजेन परीक्षण गर्दा ७९० जना गरी ३ हजार ४०३ जनामा संक्रमण देखिएको स्वास्थ्य तथा जनसंख्या मन्त्रालयले पुष्टि गरेको हो ।
बुधबार संक्रमण देखिएका सहित नेपालमा कोरोना संक्रमितको संख्या पीसीआर तर्फ ७ लाख ३९ हजार ९०७ जना र एन्टिजेन तर्फ ७७ हजार ६२३ जना पुगेका छन् ।
पछिल्लो २४ घण्टामा देशको विभिन्न भागमा बसोबास गर्ने २ हजार १०४ जनाले कोरोना जितेका छन् । यो सहित नेपालमा कोरोना जित्नेको संख्या ६ लाख ८९ हजार १७३ जना पुगेका छन् ।
त्यस्तै गरी पछिल्लो २४ घण्टामा संक्रमणका कारण थप ४२ जनाले ज्यान गुमाए छन् । यो सहित नेपालमा संक्रमणबाट ज्यान गुमाउनेको संख्या १० हजार ३९६ पुगेको मन्त्रालयले जनाएको छ ।