काठमाण्डौ । डा.गोविन्द केसीले राखेको सकारात्म माग पुरा गर्न प्रधानमन्त्री शेरबहादुर देउवा सहमत भएका छन् ।
मंगलबार प्रधानमन्त्री निवास बालुवाटारमा भएको भेटवार्ताको क्रममा प्रधानमन्त्री देउवाले डा.केसीले उठाएका सकारात्म माग पुरा गर्न सहमत भएका हुन ।
स्वास्थ्य राज्यमन्त्रीबाट उमेश श्रेष्ठलाई पदबाट हटाउनुपर्नेलगायत पाँचबुँदे माग राख्दै डा.केसीले भाद्र ३ गतेसम्मको अल्टिमेटम दिएपछि प्रधानमन्त्री देउवाले डा.केसीलाई छलफलका लागि बोलाएका थिए ।
भेटमा डा.केसीले प्रधानमन्त्रीले स्वास्थ्य राज्यमन्त्री नियुक्तीमा गल्ती गरेको भन्दै ध्यानाकर्षण गराएका थिए । स्वार्थको द्वन्द्व नहुने व्यक्तिलाई स्वास्थ्यमन्त्री र राज्यमन्त्री नियुक्त गर्नुपर्ने उनले भेटमा सुझाव समेत दिएका थिए ।
छलफलपछि डा.केसीले विज्ञप्ति जारी गर्दै स्वास्थ्य राज्यमन्त्री नियुक्ती खारेजीको विषयमा उपयुक्त समयमा संवोधन गर्नेलगायतका विषयमा प्रधानमन्त्री देउवाले प्रतिवद्धता जनाएको उल्लेख गरेका छन् ।
