काठमाण्डौं । नोबल कोरोना भाइरस (कोभिड–१९)बाट आज थप ३ हजार २७४ जनामा संक्रमण पुष्टि भएको छ ।
देशको विभिन्न प्रयोगशालामा गरिएको ११ हजार ५६५ पीसीआरमा २ हजार ४५६ जना र ६ हजार १२४ जनाको एन्टिजेन परीक्षण गर्दा ८१८ जना गरी मंगलबार ३ हजार २७४ जनामा संक्रमण देखिएको स्वास्थ्य तथा जनसंख्या मन्त्रालयले पुष्टी गरेको हो ।
मंगलबार संक्रमित भएका सहित नेपालमा संक्रमितहरुको कुल संख्या पीसीआर तर्फ ७ लाख ३७ हजार २९४ जना र एन्टिजेन तर्फ ७६ हजार ८३३ जना पुगेका छन् ।
मंगलबार देशको विभिन्न भागमा बसोबास गर्ने १ हजार ९२९ जना कोरोना संक्रमणबाट मुक्त भएका छन् । यो सहित नेपालमा कोरोना संक्रमणबाट मुक्त हुनेको संख्या ६ लाख ८७ हजार ६९ जना पुगेका छन् ।
पछिल्लो २४ घण्टामा संक्रमणबाट २७ जनाले ज्यान गुमाएका छन् । योसँगै संक्रमणबाट ज्यान गुमाउनेको संख्या १० हजार ३५४ पुगेको मन्त्रालयले जनाएको छ ।