एजेन्सी । क्यारेबियन मुलुक हाइटीमा आइतबार गएको शक्तिशाली भूकम्पमा परि ज्यान गुमाउनेको संख्या १ हजार ३०० नाघेको छ ।
हाइटीको नागरिक प्रतिरक्षा एजेन्सीका अनुसार अहिलेसम्म १ हजार २९७ जनाको मृत्यु भएको पुष्टी गरेको छ ।
भग्नावशेषमा अझै थुप्रै पुरिएको आशंकामा खोजबिन जारी राखिएको छ । मृतकको संख्या अझै बढ्न सक्ने अनुमान गरिएको छ । हाइटीको दक्षिणी प्रशाशनिक क्षेत्र भूकम्पबाट सबैभन्दा बढी प्रभावित भएको छ ।
त्यहाँ हजार भन्दा बढीले ज्यान गुमाएका छन् । देशभर आपतकाल घोषणा गरेर उद्धार तथा राहत कार्यलाई तिव्र पारिएको छ ।
हाइटीको राजधानी पोर्ट–अउ–प्रिन्सबाट १२५ किलोमिटर टाढा केन्द्र बनाएर ७.२ म्याग्नेच्युडको भूकम्प जाँदा ब्यापक जनधानको क्षती भएको हो ।