काठमाण्डौं । विश्वमा कोरोनाबाट संक्रमित हुनेको संख्या २० करोड नाघेको छ ।
पछिल्लो तथ्यांक अनुसार विश्वमा हालसम्म २० करोड ७९ लाख ४६ हजार ८९ जनामा कोरोना संक्रमण पुष्टि भएको हो ।
त्यस मध्ये १८ करोड ६४ लाख २ हजार ८८६ जनाले कोरोनालाई जित्न सफल भएका छन् ।
विश्वभर पछिल्लो २४ घण्टामा मात्र ४ लाख ६७ हजार ४१४ जना कोरोनाका संक्रमित थपिएका छन् । जसमा सबैभन्दा बढी इरानमा ३६ हजार ७३६ जनाकोरोनाका संक्रमित थपिएका हुन् । इरानमा हालसम्म ४४ लाख २५ हजार ८२१ जनामा संक्रमण पुष्टि भएको विश्व स्वास्थ्य संगठनले जनाएको छ ।
इरानपछि भारतमा कोरोना संक्रमितहरुको संख्या थपिएका छन् । भारतमा ३३ हजार २२१ जना कोरोनाका संक्रमितहरु थपिएका छन् । भातरमा विगत ३ दिनदेखि लगातार संक्रमितको संख्या घट्दो क्रममा छ ।
विश्व स्वास्थ्य संगठनका अनुसार पछिल्लो २४ घण्टामा विश्वभरीमा ८ हजार ८१ जनाले ज्यान गुमाएका छन् । कोरोनाकै कारण विश्वभरमा हालसम्म ४३ लाख ७४ हजार २५३ जनाले ज्यान गुमाएका छन् ।
जसमा सबैभन्दा बढी अमेरिकाबाट ६ लाख ३७ हजार ५६१ जनाले ज्यान गुमाएका छन् ।
