काठमाण्डौं । ला लिगाको यस सिजनको आफ्नो पहिलो खेलमा रियल मड्रिडले फराकिलो जित हात पारेको छ । गएराति भएको खेलमा रियल मड्रिडले आलाभेजलाई ४–१ ले हराएको हो ।
उसैको मैदानमा आलाभेजलाई फराकिलो अन्तरले हराउँने क्रममा रियल मड्रिडका लागि करिम बेन्जिमाले २ गोल गरे । नाचो र भिनीले १–१ गोल गरेका थिए ।
पहिलो हाफमा खेल गोलरहित बराबरीमा सकियो थियो भने खेलका पाँचै गोल दोस्रो हाफमा भएको थियो ।
बेन्जिमाले ४८औँ र ६२औँ मिनेटमा गोल गरे । नाचोले ५६औँ र भिनी जेआरले ९२औँ मिनेटमा खोल गरेका थिए । आलाभेजका लागि १ मात्र गोल पेनाल्टीमार्फत ६५औँ मिनेटमा जोसेलुले गरेका थिए ।