काठमाण्डौं । देशै भर पछिल्लो केही समय संक्रमण तिब्र रुपमा फैलदै जान थालेको छ । शनिबार मात्रै पनि १३ हजार ५७३ नमूना परीक्षण गर्दा थप २ हजार ६२४ जनामा संक्रमण पुष्टि भएको छ ।
देशको विभिन्न प्रयोगशालामा गरिएको ८ हजार ६६७ जनाको पीसीआर गर्दा १ हजार ९४७ जना र ४ हजार ९०६ जनाको एन्टिजेन परीक्षण गर्दा ६७७ जनामा संक्रमण देखिएको स्वास्थ्य तथा जनसंख्या मन्त्रालयले पुष्टी गरेको हो ।
यो सहित नेपालमा कोरोना संक्रमितहरुको संख्या पीसीआर तर्फ ७ लाख ३० हजार ४७९ जना र एन्टिजेन तर्फ ७४ हजार ७११ जना पुगेको छ ।
शनिबार नै १ हजार ३२० जनाले कोरोना जित्न सफल भएका छन् । यो सहित नेपालमा कोरोना जित्नेको संख्या ६ लाख ८० हजार ८१५ जना पुगेको छ ।
यस्तै पछिल्लो १४ घण्टामा संक्रमणका कारण थप २० जनाको ज्यान गएको छ । यो सहित नेपालमा कोरोना संक्रमणबाट ज्यान गुमाउनेको संख्या १० हजार २५९ पुगेको मन्त्रालयले जनाएको छ ।
