फाईल तस्बिर
गोरखा । नेकपा एमालेले गण्डकी प्रदेशमा छाँया सरकार बनाएको छ । दुई महिना अघि पार्टी संसदीय दलका नेता पृथ्वीसुब्बा गुरुङ नेतृत्वको सरकार ढलेपछि सरकारको काम कारवाहीको निगरानी गर्न भन्दै एमालेले छाँया सरकार बनाएको हो ।
संसदीय दलअन्तर्गतको संसदीय बोर्डको बैठकले प्रदेशको ११ मन्त्रालय हेर्ने गरी ९ संसदीय समूह बनाएको प्रमुख सचेतक मायानाथ अधिकारीले जानकारी दिए ।
एमालेले बनाएको छाँया सरकारमा गोरखाबाट प्रदेश सभामा निर्वाचित प्रदेशसभा सांसद एवं पूर्वमन्त्री रामशरण बस्नेतले भौतिक पूर्वाधार, विकास तथा यातायात समूहको संयोजकको जिम्मा पाएका छन् । सदस्यमा रोशन गाहामगर र प्रभा कोइराला रहेकी छिन् ।
त्यसतै गरी कानून, सूचना सञ्चार, प्रदेश मामिला समूह संयोजकमा चन्द्रमोहन गौचन चयन चयन भएका छन् भने सदस्यमा पुष्पा केसी भण्डारी रहनभएका छन् । ।
मुख्यमन्त्री तथा मन्त्रिपरिषद् समूहको संयोजकमा मोहनप्रसाद रेग्मी चयन भएका छन् भने सदस्यमा मायानाथ अधिकारी र मीना गुरुङ रहकी छिन् ।
त्यस्तै ईन्द्रलाल सापकोटाको नेतृत्वमा कृष्णबहादुर थापा सदस्य रहने गरी अर्थ समूह गठन गरिएको छ । सामाजिक विकास समूहमा नरदेवी पुनमगरको संयोजकत्वमा जनकलाल श्रेष्ठ र ईन्द्रधारा विष्ट सदस्य, उद्योग, पर्यटन, वन तथा वातावरण समूह संयोजकमा पूर्व मन्त्री विकास लम्साल सदस्यमा रामबहादुर गुरुङ र लक्ष्मी सुनार भूमि, व्यवस्था, कृषि समूहको संयोजकमा मित्रकुमारी गुरुङ, सदस्यमा मनबहादुर गुरुङ, महेन्द्र काली रहेकी छिन् ।
त्यस्तै ऊर्जा, खानेपानी समूह संयोजकमा मीनप्रसाद गुरुङ, सदस्यमा धनञ्जय दवाडी, स्वास्थ्य, जनसंख्या, युवा तथा खेलकुद समूहको संयोजकमा सांसद राजीव पहारी, सदस्यमा जूनादेवी नेपाली र सावित्रा रानामगर रहनुभएका छन्।
