रोल्पा । बुटवलबाट शव लिएर रोल्पा आएर फर्कदै गरेको एम्बुलेन्स दुर्घटना हुँदा चालकको ज्यान गएको छ ।
माडि गाउँपालिका २ मा शनिबार बिहान ४ः०० बजे भएको दुर्घटनामा सोहि ठाउँ घर भएका चालक प्रकाश घर्ती मगरको मृत्यु भएको रोल्पा प्रहरीले पृष्टी गरेको हो । एम्बुलेन्समा नै सवार प्रितीप्रसाद पुन भने सामान्य घाइते छन् ।
माडि गाउँपालिका घर्तिगाउँमा रहेको स्मृती अस्पताल प्रालीको रा. १ च ७०५ नम्बरको उक्त एम्बुलेन्स कोर्चावाङ शव पुर्याएर फर्कदै गर्दा दुर्घटनामा परेको प्रहरीले जनाएको छ ।
रोल्पा प्रहरीका अनुसार एम्बुलेन्स माडि गाउँपालिका २ खोलवाङ भिर नेरको सडकबाट करिब ६०० मिटर तल खसेको छ । एम्बुलेन्स पूर्ण रुपमा क्षति भएको छ ।