काठमाण्डौं । नोबल कोरोना भाइरस (कोभिड–१९)बाट आज नेपालमा थप ३ हजार ९१५ जनामा संक्रमण पुष्टी भएको छ ।
देशै भरको विभिन्न प्रयोगशालामा गरिएको १८ हजार ५८२ नमूना मध्ये ११ हजार ७०८ जनाको पीसीआर र ६ हजार ८७४ जनाको एन्टिजेन विधिबाट परीक्षण गराउदा पीसीआर तर्फ २ हजार ७ जना र एन्टिजेन तर्फ १ हजार १५२ जनामा संक्रमण देखिएको स्वास्थ्य तथा जनसंख्या मन्त्रालयले पुष्टि गरेको हो ।
शुक्रबार संक्रमण देखिएका सहित नेपालमा संक्रमितहरुको संख्या पीसीआर तर्फ ७ लाख २८ हजार ५३२ जना र एन्टिजेन तर्फ ७४ हजार ३४ जना पुगेका छन् ।
त्यस्तै गरी पछिल्लो २४ घण्टामा २ हजार ११८ जनाले कोरोना जित्न सफल भएका छन् । यो सहित नेपालमा कोरोना जित्नेको संख्या ६ लाख ७९ हजार ४९५ जना पुगेको मन्त्रालयले जनाएको छ ।
यता कोरोना संक्रमणका कारण पछिल्लो २४ घण्टामा २७ जनाले ज्यान गुमाएका छन् । यो सहित संक्रमणबाट ज्यान गुमाउनेको संख्या १० हजार २३९ जना पुगेको छ ।