घाईते निर्मला थापा उपचार गर्दै
जुम्ला । जुम्लामा भालुको आक्रमणबाट ३ जना घाइते भएका छन् । जंगली भालु बजार पसेर आक्रमण गर्दा ३ जना घाईते भएका हुन् ।
भालुको आक्रमणबाट चन्दननाथ नगरपालिका ६ कार्कीवाडामा आक्रमण गर्दा दैलेख घर भएका हिमबहादुर रोकाया र उनकी पत्नी निर्मला थापा घाइते भएका हुन् ।
जल्ला प्रहरी कार्यालय जुम्लाका प्रहरी नायब उपरीक्षक दानबहादुर थापाका अनुसार सदरमुकाम खलंगामा मोबाइल पसल सञ्चालन गर्दै आएका उनीहरुमाथि भालुले आक्रमण गरेको हो ।
त्यसपछि सिंगाचौरतिर छिरेको भालुले अर्का व्यक्तिलाई पनि आक्रमण गरेको छ । स्थानीय हिरा सार्की पनि भालुको आक्रमणबाट घाइते भएका छन् ।
निर्मलाको अनुहारमा र हिमबहादुरको टाउको, ढाडमा चोट लागेको प्रहरीले जनाएको छ । उनीहरुको कर्णाली स्वास्थ्य विज्ञान प्रतिष्ठानमा उपचार भइरहेको छ ।
प्रहरी र जिल्ला वन कार्यालयका कर्मचारीहरुले बजार छिरेको उक्त भालुको खोजी गरिरहेका छन् ।
