काठमाण्डौं । न्यून चापीय मनसुनी रेखा नेपालतर्फ सरेको कारण आजबाट देशैभर मौसममा परिवर्तन आउने र शनिबार सम्म वर्षा हुने अनुमान गरिएको छ।
बिहानै देखी देशभरको मौसम पूर्ण बदली भई अधिकांश स्थानमा पानी पर्दैछ। अहिले प्रदेश नं १, बागमती, गण्डकी, लुम्बिनी र सुदुरपश्चिम प्रदेशका केहि स्थानहरूमा हल्का देखि मध्यम वर्षा भइरहेको छ ।
दिउँसो कर्णाली प्रदेशबाहेक सवै स्थानमा पानी पर्ने जल तथा मौसम विज्ञान विभागको मौसम पूर्वानुमान महाशाखाले जनाएको छ ।
गण्डकी, बागमती, लुम्बिनी र प्रदेश नम्बर १ का केहि स्थानमा भारी तथा अति भारी वर्षा हुने महाशाखाले जनाएको छ ।
गएराति सुदुरपश्चिम र प्रदेश नम्बर १ का अधिकांश स्थानमा पानी परेको थियो । सुदूरपश्चिमका केहि स्थानमा भारी र अति भारी वर्षा पनि भएको थियो ।
गएराति कैलालीमा १४० मिलीमिटर वर्षा मापन भएको गरिएको थियो । न्युन चापीय प्रभावको कारण अबको ३ दिन देशभरको मौसम पूर्ण बदली भई अधिकांश स्थानमा पानी पर्ने महाशाखाले जनाएको छ ।
केहि स्थानमा भारी र अति भारी वर्षा समेत हुने भएकाले बाढी पहिरोको जोखिमयुक्त क्षेत्रमा सर्तकता अपनाउन महाशाखाले सबैमा आग्रह गरेको छ ।
