काठमाण्डौं । नेपाल रेल्वे कम्पनी लिमिटेडका महाप्रबन्धक गुरुप्रसाद भट्टराईले पदबाट राजीनामा दिएका छन ।
बुधबार भौतिक पूर्वाधार तथा यातायात मन्त्रालयमा भट्टराईले राजीनामा पत्र बुझाएका हुन् ।
भट्टराईले राजीनामा पत्रमा वर्तमान सरकार देश र जनताप्रति गैरजिम्मेवार, प्रतिशोधपूर्ण अराजनीतिक ढंगले स्थापित भएको आरोप समेत लगाएका छन् ।
विकास विरोधी तथा जनविरोधी सरकार अन्तरर्गत रहेर आफूले पदीय जिम्मेवारी निभाउन नसक्ने भएकाले राजीनामा दिएको पत्रमा उल्लेख गरिएको छ ।
देउवा सरकारले कार्यसम्पादन सन्तोषजनक नभएको भन्दै उनलाई स्पष्टीकरण सोधेको थियो ।
