काठमाण्डौँ । नेपाली बजारमा सुनको भाउ सस्तीएको छ । बुधबार सुनको भाउ चार महिना यताकै सस्तो भएको छ ।
मंगलबार प्रतितोला ८९ हजार २०० रुपैयाँमा कारोबार भएको सुन बुधबार तोलामा ४०० रुपैयाँले घटेर प्रति तोला ८९ हजार २०० रुपैयाँमा कारोबार भएको नेपाल सुन चाँदी ब्यवसायी महासंघले जनाएको छ । तेजावी सुनको आजको भाउ भने प्रति तोला ८८ हजार ३५० रुपैयाँमा कारोबार भएको छ ।
गत बर्ष चैत १९ गते सुनको भाउ प्रतितोला ८६ हजार ५०० रुपैयाँमा कारोबार भएको थियो भने गत बैशाख २ गते ८९ हजार ८०० रुपैयाँमा कारोबार भएको थियो ।
सुनको मूल्य गत सोमबार घटेर ८९ हजार रुपैयाँमा कारोबार भएको थियो ।
अन्तर्राष्ट्रिय बजारमा सुनचाँदीको मूल्यमा गिरावट आएको कारण नेपाली बजार पनि मूल्य घटेको नेपाल महासङ्घका पूर्व अध्यक्ष तेजरत्न शाक्यले बताए ।
चाँदीको मूल्यमा पनि प्रतितोला १५ रुपैयाँले घटे प्रतितोला १ हजार १९० रुपैयाँमा कारोबार भएको महासंघले जनाएको छ ।