काठमाण्डौं । नेपाल विद्युत् प्राधिकरणको कार्यकारी निर्देशकमा पुनः कुलमान घिसिङले आजबाट जिम्मेवारी सम्हाल्ने भएका छन् ।
देउवा सरकारले पुनः विद्युत् प्राधिकरणको कार्यकारी निर्देशक घिसिङलाई आजबाट नियुक्ति दिए पछी आजबाट प्राधिकरणको जिम्मेवारी सम्हाल्ने भएका हुन् ।
ऊर्जा जलस्रोत तथा सिँचाइमन्त्री पम्फा भुसालले सोमबार मन्त्रिपरिषद् बैठकमा पेस गरेको प्रस्तावअनुसार सरकारले उनलाई पुनःनियुक्ति दिएको हो ।
नेपालभरी लोडसेडिङ समस्या समाधान गर्ने घिसिङलाई यस अघि कै सरकार पनि नियुत्ती दिन ठुलो जन दवाव भएता पनि ओली सरकारले जबरजस्ती हटाएको थियो ।
घिसिङले नेपालबाट सधैंका लागि लोडसेडिङ अन्त्य गरी घाटामा रहेको प्राधिकरणलाई नाफा गर्न सक्ने अवस्थामा पुरयाएका थिए । उनको यो नियुत्ती संगै आम जनता खुसी भएका छन् ।
प्राधिकरणका कार्यकारी निर्देशक हितेन्द्रदेव शाक्यलाई भने जल तथा ऊर्जा आयोगमा पठाइएको छ । शाक्यलाई प्राधिकरणमा खाईपाई आएको तलब सुविधा दिनेगरी आयोगमा पठाइएको हो । शाक्यले प्राधिकरणबाट मंगलबार नै बिदा लिइसकेका छन् ।
