काठमाण्डौं । मैलुङ खोला जलविद्युत कम्पनीको आइपीओ मंगलबार बाँडफाँट गरेको छ ।
कम्पनीमा आइपिओ भरेका मध्ये गोलाप्रथामार्फत कुल ६८ हजार ४७४ जनाले सेयर पाएका छन् ।
जसमध्ये ६८ हजार ४६८ जनाले १० कित्ता र ६ जनाले ११ कित्ताका दरले सेयर पाएका छन् ।
कम्पनीले सर्वसाधारणलाई ६ लाख ८४ हजार ७४६ कित्ता सेयर बाँडफाँट गरेको हो ।
आइपीओमा कुल २० लाख ६७ हजार ९६७ जनाले आवेदन दिएकामा २ हजार ८४३ जनाको आवेदन रद्द भएको थियो ।
रितपूर्वक आवेदन दिएका २० लाख ६५ हजार १२४ लाई मात्र गोलाप्रथामा सहभागी गराइएको थियो । मैलुङ खोलाले साउन १४ गतेदेखि १८ गतेसम्म कुल ७ लाख २६ हजार २८६ कित्ता आइपीओ बिक्री खुला गरेको हो ।
