सिन्धुपाल्चोक । सिन्धुपाल्चोक बाह्रबिसेका खड्गबहादुर तामाङको मुत्यु प्रकरणको अनुसन्धानका लागी छानविन समिति गठन भएको छ ।
सहायक प्रमुख जिल्ला अधिकारी बावुराम खनालको संयोजकत्वमा मा ७ सदस्यीय समिति गठन भएको हो ।
बाह्रबिसे इलाका प्रहरी कार्यालयको हिरासतमा रहेका तामाङको मुत्यु रहस्यमय बन्दै गएको भन्दै उनका आफन्त तथा स्थानियहरुले आन्दोलन चर्काए संगै अनुसन्धानकालागी छानविन समिति गठन गरिएको छ । तामाङको प्रहरी हिरासतमा ५ दिन अगाडि मृत्यु भएको थियो ।
समितिको सदस्यमा जिल्ला प्रहरी कार्यालयबाट दक्षकुमार बस्नेत, राष्ट्रिय अनुसन्धान जिल्ला कार्यालयबाट सरोज निरौला, बाह्रविसे नगरपालिकाका वडासदस्य विरबहादुर थापा, नेपाल बार एसोसियसनका अध्यक्ष भुपेन्द्रबहादुर थिङ, तामाङ सेवा समाजका अध्यक्ष युद्धविक्रम तामाङ (डि बि), बाह्रबिसे नगरपालिकाका श्याम तामाङ समितिमा रहेका छन् ।
मृत्तक तामाङमो शरिर भरी नै निलडाम भएका कारण प्रहरीको कुटाईबाट उनको मृत्यु भएको आफन्त र सर्व साधारणको आरोप रहेको छ । घटनाको सत्य तथ्य छानविनका लागी समिति गठन गरिएको हो ।