काठमाण्डौं । नोबल कोरोना भाइरस (कोभिड–१९)बाट आज थप ३ हजार ६५१ जनामा संक्रमण पुष्टि भएको छ ।
दशै भरका विभिन्न प्रयोगशालामा गरिएको १० हजार ४४५ पीसीआर परीक्षण गर्दा २ हजार ६०९ र ६ हजार १४९ जनाको एन्टीजेन परीक्षणमा १ हजार ४२ जना गरी ३ हजार ६५१ जनामा संक्रमण देखिएको स्वास्थ्य तथा जनसंख्या मन्त्रालयले पुष्टी गरेको हो ।
यो संगै नेपालमा कोरोना संक्रमितको संख्या पीसीआर तर्फ ७ लाख १७ हजार ४८६ र एन्टिजेन तर्फ ६९ हजार ५२० जना पुगेको छ ।
पछिल्लो २४ घण्टामा १ हजार ७८४ जनाले कोरोना जित्न सफल भएका छन् । योसंगै कोरोना संक्रमणबाट मुत्त हुनेको संख्या ६ लाख ७१ हजार ८३ जना पुगेका छन् ।
कोरोना संक्रमणबाट पछिल्लो २४ घण्टामा २२ जनाले ज्यान गुमाएका छन् । यो सहित नेपालमा संक्रमणका कारण ज्यान गुमाउनेको संख्या १० हजार ११५ जना पुगेको मन्त्रालयले जनाएको छ ।
