काठमाण्डौ । नोबल कोरोना भाइरस (कोभिड–१९)बाट आज थप २ हजार ५४८ जनामा संक्रमण पुष्टि भएको छ ।
देशभरको विभिन्न प्रयोगशालामा गरिएको ९ हजार ३३ पिसिआरमा २ हजार १३७ जना र ३ हजार ३४५ एन्टीजेन परिक्षणमा ४११ जना गरी २ हजार ५४८ जनामा संक्रमण देखिएको स्वास्थ्य मन्त्रालयले पुष्टी गरेको हो ।
आज संक्रमण देखिएका सहित नेपालमा संक्रमितको संख्या पीसीआर तर्फ ७ लाख १४ हजार ८७७ जना र एन्टिजेन तर्फ ६८ हजार ४७८ जना पुगेको छ ।
त्यस्तै पछिल्लो २४ घण्टामा नेपालको विभिन्न क्षेत्रका २ हजार २९ जना कोरोना संक्रमण मुत्त भएका छन् । यो सहित नेपालमा कोरोना संक्रमण मुत्त हुनेको संख्या ६ लाख ६९ हजार २९९ जना पुगेका छन् ।
कोरोना संक्रमणबाट पछिल्लो २४ घण्टामा थप ५५ जनाको ज्यान गएको छ । योसंगै नेपालमा संक्रमणबाट ज्यान गुमाउनेको संख्या १० हजार ९३ पुगेको छ ।
