काठमाण्डौँ । देउवा नेतृत्वको गठबन्धनको सरकार सञ्चालनको लागि न्यूनमत साझा कार्यक्रम सार्वजनिक गरिएको छ ।
गठबन्धन कार्यदलका संयोजक तथा नेपाली कांग्रेसका महामन्त्री पूर्णबहादुर खड्काले कार्यक्रम बाचन गर्दै सार्वजनिक गरिएको हो ।
प्राथमिकतामा परेका कार्यक्रमहरु :
१) कोभिड(१९ को महामारीमा नागरिकको जीवन रक्षा गर्ने
२) संविधानको सर्वोच्चता, कानुनी राज्य र सुशासनको प्रत्याभूत गर्ने
३) शान्ति प्रक्रियालाई पूर्णता दिन विस्तृत शान्ति सम्झौताका बाँकी प्रक्रियाहरू तथा विभिन्न पक्षसँग भएका सम्झौताहरू कार्यान्वयन गर्ने
४) राजनीतिक दलहरू सहमतिमा संविधान संशोधनका लागि पहल गर्ने
५) संघीयता कार्यान्वयन एवं प्रदेश, स्थानीय तहहरूको सबलिकरणका लागि आवश्यक कानुन तर्जुमा र संसद्मा विचाराधिन विधेयकहरू टुंगो लगाउने
६) सामाजिक आर्थिक रुपान्तरणको आधारहरू निर्माण गर्दै समन्यायिक आर्थिक विकासमा जोड दिने
७) उत्पादनमुखी अर्थतन्त्रमा जोड, आपूर्ति व्यवस्थापनमा सुधार, महँगी नियन्त्रण, भ्रष्ट्राचार नियन्त्रणका लागि छानबिन र कारबाही गर्न अग्रसरता लिने
८) कोभिड(१९ का कारण संकटग्रस्त उद्योग, पर्यटन व्यवसाय, सञ्चार, यातायात, व्यायामशाला तथा मनोरञ्जनलगायत क्षेत्रको उत्थान तथा कोभिड(१९ बाट प्रभावित श्रमजीवी तथा बेरोजगारका लागि विशेष राहत तथा आर्थिक प्याकेजको व्यवस्था गर्ने ।
९) बाढी, पहिरो, आगलागी जस्ता विपत्तिमा रहेका जनताको राहत, उद्दार तथा पुनस्थापना गर्ने ।
१०) राष्ट्रिय हितको रक्षा गर्ने तथा जनताको समृद्धि
११) आपसी संवाद र सहमति र सहकार्यको संस्कृतिको विकास गर्दै राष्ट्रिय एकता सुदृढ गर्ने
