काठमाण्डौं । देउवा सरकारले आफ्नो न्यूनतम साझा कार्यक्रम आज सार्वजनिक गर्ने भएको छ ।
आइतबार ४ः०० बजे सिंहदरबारमा सत्तारुढ गठबन्धनका शीर्ष नेताको उपस्थितिमा न्यूनतम साझा कार्यक्रम सार्वजनिक गर्न लागिएको हो ।
सत्तारुढ गठबन्धनले गठन गरेको ७ सदस्यीय कार्यदलले सरकार सञ्चालनका लागि तयार गरेको न्यूनतम् साझा कार्यक्रम र कार्यविधि यस अघि नै प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दाहाललाई बुझाई सकेको थियो ।
कांग्रेस महामन्त्री पूर्णबहादुर खड्का नेतृत्वको कार्यदलले २ साता लगाएर साझा कार्यक्रम र कार्यविधि तयार गरेको हो ।
‘संयुक्त सरकारको साझा नीति तथा कार्यक्रम’ नाम दिइएको उक्त प्रतिवेदनमा संयुक्त सरकारका प्राथमिकता समावेश गरिएको छ ।