काठमाण्डौं । नोबल कोरोना भाइरस (कोभिड–१९)बाट आज थप ३ हजार ७२९ जनामा संक्रमण पुष्टि भएको छ ।
देशको विभिन्न प्रयोगशालमा गरिएको १५ हजार ६७५ नमूना परीक्षण गराउँदा शुक्रबार ३ हजार ७२९ जनामा संक्रमण देखिएको स्वास्थ्य तथा जनसंख्या मन्त्रालयले पुष्टी गरेको हो ।
आज गरिएको ९ हजार ४९३ नमूनाको पीसीआरबाट २ हजार ४३० जना र ६ हजार १८२ नमूनाको एन्टिजेन परीक्षण गराउदा १ हजार २९९ जनामा संक्रमण देखिएको छ । यो संगै संक्रमितको संख्या पीसीआर तर्फ ७ लाख १० हजार ५०९ जना र एन्टिजेन तर्फ ६७ हजार ८० जना पुगेको छ ।
शुक्रबार नै १ हजार ८८५ जनाले कोरोना जित्न सफल भएका छन् । यो सहित नेपालमा कोरोना जित्नेको संख्या ६ लाख ६५ हजार ५४८ जना पुगको छ ।
त्यस्तै गरी पछिल्लो २४ घण्टामा थप २५ जनाको ज्यान गएको छ । यो सहित कोरोनाबाट ज्यान गुमाउनेको संख्या १० हजार १९ पुगेको छ मन्त्रालयले जनाएको छ ।