काठमाण्डौँ । नोबल कोरोना भाइरस (कोभिड–१९)बाट आज थप ३ हजार १०६ जनामा कोरोना संक्रमण पुष्टि भएको छ ।
देशको विभिन्न प्रयोगशालामा गरिएको १३ हजार ५१९ वटा स्वाब परीक्षणका क्रममा शनिबार ३ हजार १०६ जनामा संक्रमण देखिएको स्वास्थ्य तथा जनसंख्या मन्त्रालयले पुष्टी गरेको हो ।
परिक्षण भएका नमूना मध्ये ९ हजार २६३ पीसीआर परीक्षण गर्दा २ हजार २८० जना र ४ हजार २५६ जनाको एन्टिजेन परिक्षणबाट ८२६ जनामा संक्रमण देखिएको छ ।
यो सहित नेपालमा संक्रमितहरुको संख्या पीसीआर तर्फ ६ लाख ९५ हजार ३८९ जना र एन्टिजेन तर्फ ६१ हजार ३५० जना पुगेको छ ।
पछिल्लो २४ घण्टामा नेपालकाको विभिन्न स्थानमा रहेका १ हजार ९१६ जनाले कोरोना जित्न सफल भएका छन् । यो सहित नेपालमा अहिले सम्म ६ लाख ५४ हजार १७७ जनाले कोरोना जित्न सफल भएको मन्त्रालयले जनाएको छ ।
यस्तै, पछिल्लो २४ घण्टामा थप २३ जनाको ज्यान गएको छ । यससँगै देशभर कोरोनाबाट ज्यान गुमाउनेको संख्या ९ हजार ८५७ पुगेको छ ।
