काठमाण्डौं । देउवा सरकारले आगामी चैत्र महिनाभित्र देशका सबै नागरिकले कोरोना भाइरसविरुद्धको खोप पाउने बताइ रहेको बेला नेपालमा कुन खोप कति आयो भन्ने बारेमा पनि सबैको चासो हुनु स्वाभाविक नै हो ।
स्वास्थ्य तथा जनसंख्या मन्त्रालयका अनुसार आगामी असोज मसान्तसम्म १ करोड ८३ लाख ८२ हजार ८५० डोज खोप नेपाल आइसक्ने दावी गरेको छ ।
त्यसो त नेपालमा अहिलेसम्म २४ लाख ४८ हजार कोभिशिल्ड खोप नेपाल आएको मन्त्रालयले जनाएको छ ।
जस मध्ये भारत सरकारको अनुदानमा दिएको १० लाख, नेपाली सेनालाई आएको १ लाख, भारतको सेरम इन्स्टिच्युटबाट किनिएको गरिएको १० लाख, तथा गाभी कोभ्याक्सबाट प्राप्त ३ लाख ४८ हजार डोज कोभिशिल्ड खोप आएको छ ।
शुक्रबारसम्म ५८ लाख डोज भेरोसेल खोप नेपाल आइसकेको स्वास्थ्य मन्त्रालयले पुष्टी गरेको छ । २ पटक गरी चीनले अनुदानमा १८ लाख डोज भेरोसेल खोप दिएको छ ।
यसपछि चीनको सिनोफार्म कम्पनीसँग खरिद गरिएकामा हालसम्म ४० लाख भेरोसेल खोप नेपाल आइसकेको छ ।
२०७८ आषाढ २४, श्रावण ७, ८, १० र १५ गते गरी खरिद गरिएका ४० लाख डोज खोेप चीनबाट नेपाल आई सकेको छ ।
अमेरिकाले कोभ्याक्स सुविधामार्फत दिएको जोनसन एण्ड जोनसन खोपको १५ लाख ३४ हजार ८५० डोज पनि नेपालले प्राप्त गरिसकेको छ ।
यी सबै गरी साउन १५ गते सम्म नेपालमा जम्मा ९७ लाख ८२ हजार ८५० डोज कोरोना खोप भित्रिएको छ ।
अब कुन कुन खोप आउदै छ त ?
अब आउने खोपमा चीनको सिनोफार्म कम्पनीसँग ६० लाख डोज खोप खरिदको सम्झौता अगाडि बढिसकेको मन्त्रालयले जनाएको छ ।
कोभ्याक्स सुविधा अन्तरर्गत जापानले दिने १६ लाख डोज खोप छिट्टै दिदै छ ।
त्यसपछि भारतसँग खरिद गरिएको २० लाख डोज मध्ये बाँकी १० लाख डोज भेरोसेल खोप पनि छिट्टै आउने मन्त्रालयले जनाएको छ ।
यति खोप आइसम्दा नेपालमा १ करोड ८३ लाख ८२ हजार ८५० डोज भित्रिने छ ।
१२ वर्षमाथिका बालबालिकाका लागि ६० लाख डोज फाइजर खोप ल्याउनका लागि पनि पहल भइरहेको छ ।
नेपालमा २०७७ माघ १४ गतेबाट कोरोना भाइरसविरुद्धको खोप अभियान चलिरहेको छ ।
