धनुषा । धनुषामा सरकारी स्कारपीयो खाल्डोमा खस्दा १ जनाको मृत्यु भएको छ ।
शुक्रबार बिहान ढल्केवरबाट जनकपुरतर्फ जाँदै गरेको ज–२०–०२–०००१ ख ००३५ नम्बरको स्कार्पिओ दुर्घटनामा परेको प्रहरीले जनाएको छ ।
प्रहरीका अनुसार शुक्रबार बिहान ५ः०० बजेतिर लक्ष्मीनिया गाउँपालिकास्थित सपहीमा राजमार्गमा पुल बनाउन खनिएको खाल्डोमा स्कार्पिओ खसेको हो ।
दुर्घटनामा परी महोत्तरी भंगहा नगरपालिका ९ का दीपक यादवको ज्यान गएको प्रहरीले जनाएको छ । ५ जना घाइते भएका छन् । उनीहरुको प्रादेशिक अस्पताल जनकपुरमा उपचार भइरहेको छ ।
प्रहरीका अनुसार तीब्र गतिका कारण अनियन्त्रित भई स्कार्पिओ खसेको हो ।
