काठमाण्डौ । सत्तारुण दलका युवा नेता गगन थापाले नयाँ सरकारलाई अघिल्लो सरकारको जस्तो कुनै पनि अपराध गर्ने छुट नभएको बताए ।
प्रतिनिधिसभाको मंगलवारको बैठकमा बोल्दै नेपाली कांग्रेसका सांसद थापाले एमाले अध्यक्ष केपी ओली नेतृत्वको सरकारले जस्तो विधि प्रक्रिया र वेथितीबाट बर्तमान सरकारलाई मुक्त बनाउनुपर्ने भन्दै खबरदारी सुरु गरेको बताएका हुन ।
साँसद थापाले बर्तमान सरकारलाई सहि बाटोमा हिडाउनका लागि संकल्प प्रस्ताव पास गर्नुपर्ने माग समेत गरे । ‘बर्तमान सरकारलाई अधिल्लो सरकारको बाटोमा हिड्न रोक्नका लागि संकल्प प्रस्ताव संसदबाट पास गर्नुपर्छ’ थापाले भने ।
त्यस्तै सत्तारुढ नेकपा माओवादी केन्द्रका सांसद गजेन्द्रबहादुर महतले पनि बर्तमान सरकार पनि अघिल्ले सरकार जस्तै गफाडी हुने हो कि भन्ने चिन्ता व्यक्त गरे । ‘सरकारका मन्त्रीहरुले सस्तो लोकप्रियताका लागि जथाभावि बोल्ने गरेको’ भन्दै महतले आपत्ती जनाए ।
प्रतिनिधी सभाको बैठक आगामी साउन १५ गते बस्नेगरी स्थगित भएको छ ।
सभामुख अग्नि सापकोटाले साउन १५ गते शुक्रबार दिउँसो १ः०० बजेसम्मका लागि बैठक स्थगित भएको सदनमा जानकारी गराएका हुन् ।
आजको बैठकमा शून्य र विशेष समयमा सांसदहरूले विभिन्न विषयमा सरकारको ध्यानाकर्षण गराएका थिए ।
