काठमाण्डौ । नेपाली कांग्रेसले प्रधानमन्त्रीको सरकार निवास वालुवाटारमा पार्टीका कुनै पनि कार्यक्रम नगर्ने निर्णय गरेको छ ।

गत शुक्रबार र शनिबार पदाधिकारी बैठक राखेकोमा सर्वत्र आलोचना भएपछि कांग्रेसले पार्टीका कुनैपनि कार्यक्रम वालुवाटारमा नगर्ने निर्णय गरेको हो ।

कांग्रेस सभापति समेत रहेका प्रधानमन्त्री शेरबहादुर देउवाले पदाधिकारी बैठक अबदेखि पार्टी कार्यालय सानेपा वा सभापतिको निजी निवास बूढानिलकण्ठमा गर्ने सहमती गरेका छन् ।

सोहीअनुसार शुक्रबार सभापति देउवाकै निजी निवास बुढानिलकण्ठमा पार्टी पदाधिकारी बैठक बोलाइएको महामन्त्री पूर्णबहादुर खड्काले बताए ।

कांग्रेसले १४ औं महाधिवेशन तयारीका लागि पदाधिकारी तथा पूर्वपदाधिकारीको बैठक बोलाएको हो ।

साउन १२ मा वडा अधिवेशन गर्ने भने पनि अहिलेसम्म क्रियाशील सदस्यताको टुंगो नलागे पछि आजको बैठक राखिएको एक नेताले बताए ।

पार्टी कार्यालयमा विभिन्न जिल्लाका नेता तथा कार्यकर्ताले धर्ना दिएकाले बुढानिलकण्ठमा बैठक बस्न लागेको हो ।

लेखकबाट थप:

• सुन तोलामा ४३ सयले घट्याे
• साहित्य र चलचित्रका २ साधकलाई ‘दाहाल यज्ञनिधि पुरस्कार’
• असार मसान्तसम्म खपत भएको बिजुलीमा भ्याट नलाग्ने
• नेपाल राष्ट्र बैंकले मंगलबारकाे लागि निर्धारण गरेकाे विदेशी मुद्राको विनिमयदर
• आजकाे माैसम : बागमती, गण्डकी र कर्णालीमा भारी वर्षाको सम्भावना