सांकेतिक तस्बीर
गोरखा । चितवन र बाँकेको फरक फरक स्थानमा पानीमा डुवेर ५ जनाको ज्यान गएको छ । प्राप्त जानकारी अनुसार बाँकेको कोहलपुरमा रहेको डुडुवा खोलामा पौडी खेल्ने क्रममा डुबेर ३ युवाको ज्यान गएको बाँके प्रहरी जनाएको छ ।
बुधबार दिउँसो पौडी खेल्ने क्रममा डुबेर ३ जनाको मृत्यु भएको ईलाका प्रहरी कार्यालय कोहलपुरले जनाएको छ ।
ज्यान जानेहरुमा नेपालगञ्ज सदरलाइनका १८ वर्षीय रसिद जसगढ, श्रृष्टि हल लाइनका १८ वर्षीय अरमान जसगढ र १७ वर्षीय आरिस जसगढ रहेका छन् ।
पौडी खेल्ने क्रममा डुबेका उनीहरुलाई कोहलपुर प्रहरीको टोली पुगेर खोजी गर्दा मृत अवस्थामा फेला पारेको थियो ।
यता चितवनको भरतपुर महानगरपालिका २ क्षेत्रपुरमा नहरमा डुबेर २ जना किशोरको ज्यान गएको चितवन प्रहरीले जनाएको छ ।
नहरमा हातखुट्टा धुने क्रममा चिप्लिएर डुव्दा स्थानीय १६ बर्षको अंकित जोशी र वर्ष १४ को विवेक शर्माको ज्यान गएको प्रहरी कार्यालय चितवनले जनाएको छ ।
खेल मैदानमा क्रिकेट खेली नजिकै रहेको नहरमा हातखुट्टा धुने क्रममा विवेक शर्मा चिप्लिएर नहरमा खसेको र उनलाई बचाउन जाने क्रममा अंकित जोशी समेत डुबेका हुन् ।
दुवै जनाको मृत्त शरिर २०० मिटर तल डुबेको अबस्थामा भेटिएको थियोे ।
