काठमाण्डौं – नेपाली कांग्रेसको क्रियाशील सदस्यको बिषयमा अझै टुगो लाग्न सकेको छैन । छानबिन समितिले भने आज शुक्रबार सबै प्रकृया पुरा गरेर टुगाउने तयारी गरेको छ ।
समितिलाई दिइएको समयसीमा भन्दा एकदिन ढिलो गरी क्रियाशील सदस्यको नाम टुंगो लगाउने भएको हो ।
समितिमा समाधान निस्कन नसकेका क्रियाशील सदस्यको हकमा भने शीर्ष तहलाई जिम्मेवारी दिइने तयारी भएको छ ।
अहिले सप्तरी, सिराहा र बारा जिल्लाको क्रियाशील सदस्यताको विवाद समितिले टुंगाउन नसकेको हो ।
३ वटा जिल्लामा पूरै विवादित रहेको छ। अन्य केही जिल्लाका वडामासमेत विवाद रहेको समितिले जनाएको छ। बाराको विवादले नेता तथा कार्यकर्ताहरु केन्द्रीय कार्यालयमा धर्नामा समेत बसी रहेका छन् ।
यता प्युठानमा देखिएको विवाद भने आज समाधान हुने समिति सदस्य कल्याण गुरुङले जानकारी दिए ।
कांग्रेसमा क्रियाशील सदस्यताको संख्या ८ लाख ५२ हजार पुगेको छ ।
१४ औं महाधिवेशनका लागि साउन १२ बाट तल्लो तहको अधिवेशन सुरु हुनेछ । विवादमा समाधान निकाल्न नसकिने स्थानमा १३ औं महाधिवेशनका प्रतिनिधि कायम राख्ने निर्णय भएको छ ।
