साँकेतिक तस्बिर
चितवन – चितवनमा गाई काटेको अभियोगमा प्रहरीले ३ जनालाई पक्राउ गरेको छ ।
पूर्वी चितवनको कालिका नगरपालिका १ सुन्दरबस्तीबाट उनीहरुलाई पक्राउ गरिएको चितवन प्रहरीले जानकारी दिएको हो ।
प्रहरीले पक्राउ गरेकाहरुमा कालिका नगरपालिका १ की ३२ वर्षीया उर्मिला परियार, १६ वर्षिय सविन परियार र १६ वर्षिय सुवास परियार रहेको छ ।
प्रहरी कार्यालयले दिएको जानकारी अनुसार उनीहरुले स्थानीयवासी महेन्द्र सुवेदीको केराबारी नजिक घोलको खाली जग्गामा गाई काटेका थिए । गाई काटेर भाग लगाउँदै गरेको अवस्थामा प्रहरीले उनीहरुलाई पक्राउ परेका हो ।
