चितवन – लगातार परेको वर्षाका कारण मुग्लिन–नारायणगढ सडकखण्डको ठाउँठाउँमा पहिरो खस्दा सडक पुनः अवरुद्ध भएको छ ।
इच्छाकामना गाउँपालिका ६ को पाँचकिलो र चार किलो क्षेत्रमा पहिरो जाँदा सडक अवरुद्ध भएको हो ।
ईलाका प्रहरी कार्यालय मुग्लीनका अनुसार आज बिहान ५ः३० बजे देखि धेरै स्थानमा पहिरो गएको छ । पहिरो पन्छाउने काम शुरु भए पनि धेरै ठाउँमा पहिरो खसेकोले छिट्टै नै सडक खुल्ने अवस्था नरहेको प्रहरीले बताएको छ ।
बिहीबार पनि सोही सडकको विभिन्न स्थानमा पहिरो खस्दा सडक अवरुद्ध भएको थियो । यसै बिच पहिरोले ग. २ च ४०२९ नम्बरको जिप आधा भाग पुरिएको छ ।
घटनास्थल तर्फ प्रहरी गएको भएता पनि मानवीय क्षती भएनभएको बारे जानकारी प्राप्त हुन सकेको छैन । त्यस्तै जलविरेको पहिरोमा परि ग १ ख ९९६१ नम्बरको ट्रकलाई पहिरो खसेर केही भाग पुरिएको अवस्थामा छ ।
