काठमाण्डौं – नोबल कोरोना भाइरस (कोभिड–१९)बाट आज थप २ हजार ७६० जनामा संक्रमण पुष्टि भएको छ।
देशको विभिन्न प्रयोगशालामा गरिएको ७ हजार १३० जनाको पीसीआर र ३ हजार ८५५ जनाको एन्टिजेन गरी कुल १० हजार ९८५ जनामा परीक्षण गर्दा थप २ हजार ७६० जनामा संक्रमण देखिएको स्वास्थ्य तथा जनसंख्या मन्त्रालयले पुष्टी गरेको हो । यो सहित नेपालमा संक्रमितहरुको संख्या ६ लाख ७६ हजार ५०९ जना पुगेको छ ।
आज एकै दिनमा देशैभर ४ हजार १७ जनाले कोरोना जितेको छ । आज सम्म कोरोना जित्नेहरुको संख्या ६ लाख १४९ जना पुगेको मन्त्रालयले जनाएको छ ।
पछिल्लो २४ घण्टामा कोरोना संक्रमणबाट थप ३३ जनाको मृत्यु भएको भएको छ । योसँगै कोरोनाबाट मृत्यु हुनेको संख्या ९ हजार १४५ पुगेको छ ।
