गोरखा – गोरखा जिल्लामा क्रियाशिल ४ राजनीतिक दल निकट बिधार्थी संगठनहरुले सरकारको अधिनायकबाद र स्वेच्छाचारी शासनका बिरुद्ध बुधबार सदरमुकाममा राँके जुलुस सहितको बिरोध प्रर्दशन गरेको छ ।
बिधार्थी संगठनहरुले सदरमुकाममको बिपीचोकदेखि लोकतान्त्रिक चोकसम्म राँके जुलुस प्रर्दशन गर्दै पुत्ला जनाएका थिए ।
सरकार बिरुद्ध बिपक्षी गठन अन्र्तगत नेपाली काग्रेस, नेकपा माओबादी केन्द्र, नेकपा एमाले नेपाल खनाल पक्ष र जनता समाजबादी पार्टी निकट बिधार्थी संगठनहरुले संयक्त रुपमा बिरोध प्रर्दशनको आयोजना गरेका हुन् ।
बिरोध प्रर्दशनमा सहभागीहरुले संसद बिघटनले देशलाई प्रतिगमन तर्फ धेकेको भन्दै तत्काल गलत कदम सच्याउन माग गर्दै प्रधानमन्त्री केपी शर्मा ओलीले राजीनामा दिनुपर्ने बताएका छन् ।
कोणसभालाई सम्बोधन गर्दै अखिल क्रान्तिकारी जिल्ला इन्चार्ज रामकृष्ण भट्टले राजा, राणा फालेको बिधार्थीहरुले आन्दोलनले ओली फाल्न कुनै चुनौती नहुने बताए । उनले जनता कोभिडको महामारीमा परेका बेला ओली र उनका आसोपासोहरुल लुट र भ्रष्ट्राचारमा लिप्त भएको आरोप लगाए ।
कोणसभालाई सम्बोधन गर्दै नेबिसंघ गोरखाका अध्यक्ष सुवास अधिकारीले प्रधानमन्त्रीको सिफरिसमा राष्ट्रपतिले २ पटकसम्म संबिधान बिघटन गरेर संबिधानको चिरहरण गरेको बताए । उनले आफुहरु रहरले सडकमा आएको नभई बाध्यताले सडकमा आउनु परेको भन्दै संबिधानको रक्षाका लागि जस्तो सुकै संर्घषका लागि तयार रहेको बताए ।
कोणसभामा अनेरास्वबियु जिल्ला अध्यक्ष सचिन भट्टराईले राष्ट्रपति जस्तो गरिमामय संस्थालाई प्रधानमन्त्रीका लालछाप लगाउने कार्यालय जस्तो बनाएको आरोप लगाए । उनले संसद बिघटनले देशलाई अस्थिरता तर्फ धेकेलेको आरोप समेत लगाएका छन् ।
त्यस्तै बिरोध प्रर्दशनमा सहभागी बिधार्थीहरुले शिक्षामन्त्री कृष्ण गोपाल श्रेष्ठले पदिय मर्यादा बिपरित कानुनलाई चुनौती दिने गरि गरिएका हर्कत र गोरखाको भीमसेन थापा गाउँपालिकाको बोर्लाङमा पशु प्राबिधिक माथि भएको जातिय बिभेदको बिरोध गर्दै बिभेदमा संलग्नहरु माथि तत्काल कानुनी कारवाही गर्न समेत माग गरेका छन् ।
