बुटवल – रुपन्देहीको देवदह नगरपालिकामा मंगलबार साझ भएको सवारी दुर्घटनामा परि डा.शंकर भण्डारीको मृत्यु भएको छ ।
रुपन्देहीको देवदह १० चरङ्गेबाट बुटवलतर्फ आउँदै गरेको बा १७ च ६०६६ नम्बरको कार दुर्घटनामा परी कांग्रेस नेता चन्द्र भण्डारीका सहोदर भाई डा.भण्डारीको मृत्यु भएको प्रहरीले पुष्टी गरेको हो ।
चरङ्गे मुढाबास भन्ने स्थानमा आउँदा कल्भर्टमा ठोक्किएर उक्त कार पानीको रहमा खसेको थियो । रातको ८ः३० बजे भएको दुर्घटनापछि गम्भीर घाईते भण्डारीलाई उपचारका लागि बुटवल अवस्थित गौतमबुद्ध सामुदायिक मुटु अस्पतालमा लगिएकोमा चिकित्सकहरुले उनलाई मृत घोषणा गरेका थिए ।
परिवार सहित काठमाण्डौमा बस्दै आएका भण्डारी स्व.बुवाको बार्षिक स्मृतीको कार्यक्रममा सहभागीहुन आईतवार रुपन्देही आएका थिए । लुम्बिनी प्रदेश ट्राफिक प्रहरी कार्यालय बुटवलका अनुसार भण्डारीसगै उनका आफन्त थानेश्वर भण्डारी पनि कारमा थिए । उनको अवस्था भने सामान्य रहेको छ ।
