गोरखा – गोरखाको एक स्थानिय तहमा बिद्युत र ईन्टरनेट नहुदा गाउँपालिकाको काम धादिङबाट गरिन थालेको छ ।
अधिक बर्षा पछि बिद्युत र ईन्टरनेट सेवा अवरुद्व भएका कारण गाउँपालिकाको काम आइतबार देखी धादिङको त्रिपुरा सुन्दरी गाउँपालिकाको एक होटल बेम्बोबाट सञ्चालन गर्दै आएको अध्यक्ष सन्तबहादुर गुरुङले बताए । ‘जेठको अन्तिम साताबाट गएको बत्ती र नेट आउने छाटकाट नदेखिए पछि अस्थाई रुपमा कार्यालय स्थापना गरी सञ्चालन गर्न बाध्य भएको’ अध्यक्ष गुरुङले बताए ।
जेठको अन्तिम साता देखी सुरु भएको मनसुन संगै बिद्युत र ईन्टरनेटमा आएको अवरोधका कारण २ साता पछि गोरखा संग सिमाना जोडिएको ठाउँमा अस्थाई कार्यालय स्थापना गरी सञ्चालनमा ल्याईएको गाउँपालिकाले जनाएको छ ।
कार्यालयका अनुसार बिचमा एक पटक बिद्युत आएको भएता पनि तुरुन्तै गए पछि गाउँपालिकाका सबै काम अबरुद्व भए पछि अस्थाई रुपमा कार्यालय स्थापना गरी काम गर्न सुरु गरीएको हो ।
‘कामको चाङ छ । केही गर्न नै पाईएको छैन । हिजो झिटी गुन्टा लिएर आएर आज देखी काम थालेका छौ’ पालिकाका उप प्रमुख फुलमायाँ गुरुङले बताईन । माछीखोलामा नै बसेर कार्यालयको काम सम्पन्न गर्न सक्ने अवस्था नभए पछि अस्थाई रुपमा कार्यालय स्थापना गरी काम थालिएको उनले बताईन ।
अधिक बर्षाले आरुघाटबाट माछीखोला सम्म लगिएको राष्ट्रिय प्रशासणको बिद्युत दर्जनौ स्थानमा पहिरो र बाढीले पोल ढालेको र तत्कालै बन्न सक्ने अवस्था पनि नभएको सल्यानटार बिद्युत प्रशारण केन्द्रले जानकारी दिएको छ ।
बगरबाट लगिएका हाइटेन्सन लाइन बाढी आएका कारण नदीको बिच भागमा पुगेको छ । केही भिरालो स्थानका पोलहरु पहिरोले कामै नलाग्ने गरी बिग्रीएको छ ।
माछीखोलामा बिद्युत र ईन्टरनेट सुचारु हुना साथै त्यहीबाट कार्यालय संञ्चालन गरिने गाउँपालिकाले जनाएको छ ।
अथक प्रयास पछि सेनाले सुचारु गरेको सडक हिजो राती पहिरो आउदा आरुघाटबाट माछीखोला जाने बाटोमा दर्जन भन्दा बढी स्थानमा पहिरोले अवरुद्व बनाएका कारण मान्बु हुदै काशिगाउँ भएर मात्र माछीखोला पुग्नु पर्ने बाध्यता रहेको छ ।
