सप्तरी – पेट्रोल ट्यांकरले ठक्कर दिँदा सप्तरीमा शनिबार २ बालिकाको मृत्यु भएको छ । रुपनी गाउँपालिका ३ कटैयाकी ८ वर्षीया यशोदाकुमारी प्रमाणी र कञ्चनरुप नगरपालिका ६ घोघनपुरका ७ वर्षीया सुमैया प्रविणको घटनास्थलमै मृत्यु भएको सप्तरी प्रहरीले पुष्टी गरेको हो ।
सप्तरीको अग्नीसाइर कृष्णसवरण गाउँपालिका २ सितापुरमा स ११ प २५८५ नम्बरको मोटरसाइकललाई डक्कर दिएर भाग्ने क्रममा चाँदनी चौकमा स २ प ५२४५ नम्बरको मोटरसाइकललाई ना ७ ख ५४९५ नम्बरको ट्यांकरले ठक्कर दिदा दुवै स्थानमा १÷१ जना बालिकाको घटना स्थलमा नै मृत्यु भएको थियो ।
ठक्कर दिएर भागेको ट्यांकरलाई नियन्त्रणमा लिन केही मोटरसाइकलले पिछा गरेपछि तिब्र गतिमा कुदाएको ट्यांकर अनियन्त्रित हुँदा अर्को दुर्घटना भएको हो ।
दुर्घटनामा यसोदाकी आमा ३२ वर्षीया सुमनदेवी र मामा कुसुमलाल मण्डल घाइते भएका छन् । यसैगरी सुमैयाकी आमा नविया प्रविण घाइते भएकी छन् । घाइतेको कञ्चनरुप नगरपालिकाको ठेलियास्थित धमेश्वर अस्पतलामा उपचार भइरहेको छ ।
ठक्कर दिने ट्यांकर र चालकलाई प्रहरीले नियन्त्रणमा लिएको छ ।
