सर्लाही – सर्लाहीको ईश्वरपुर नगरपालिका ३ का वडाध्यक्ष सूर्यकुमार श्रेष्ठको हत्या गरिएको छ । जेसिबीले बकेटले हानेर वडाध्यक्ष श्रेष्ठको हत्या गरिएको जिल्ला प्रहरी कार्यालय सर्लाहीले जानकारी दिएको छ ।
जेसिबी चालकसँग विवाद चालकले रविन भन्ने हर्कबहादुर तामाङले शुक्रबार राती बकेट हानेर हत्या गरिएको प्रहरीले जनाएको छ । भक्तिपुरमा केही दिनदेखि पुरानो सरकारी पोखरी खनेर स्तरोन्नति गर्ने काम भइरहेको बेला विवाद हुदा चालकले उत्त हर्कत गरेको स्थानियले बताए ।
राती अबेरसम्म वडाध्यक्ष श्रेष्ठ, जेसिबीका ठेकेदार प्रेमराज दाहाल र जेसिबी चालक तामाङ संगै बसेरहोटलमा खाजा खाएको भएता पनि राती १० बजेपछि घर फर्किने क्रममा चालक तामाङ र वडाध्यक्ष श्रेष्ठ बिच विवाद भएको थियो ।
विवाद गर्दै पोखरी पुगेपछि चालक तामाङले वडाध्यक्ष श्रेष्ठलाई जेसिबको बकेटले ठक्कर दिएर लडाएको र त्यसपछि माटोले पुरेको देखिएको प्रहरीले जनाएको छ ।
घटनाको बारेमा जानकारी पाएको प्रहरी टोली घटनास्थलमा पुगेर अचेत अवस्थामा रहेका वडाध्यक्ष श्रेष्ठलाई जिल्ला अस्पताल भर्ना गराएका थिए । अस्पतालका चिकित्सकहरुको टोलीले वडाध्यक्ष श्रेष्ठलाई मृत्त घोषित गरेका थिए ।
प्रहरीले जेसिबीका ठेकेदार ईश्वरपुर नगरपालिका ३ का ३५ वर्षीय प्रेमराज दाहाल र जेसिबीका चालक बरहथवा नगरपालिका १ का ३८ वर्षीय रविन भन्ने हर्कबहादुर तामाङलाई नियन्त्रणमा लिएर अनुसन्धान थालेको छ ।
दाहाललाई घटना लगत्तै नियन्त्रणमा लिइएको भएता पनि चालकलाई भाग्दै गरेको अवस्थामा शनिबार बिहान ५ः४० बजेतिर लालबन्दीबाट नियन्त्रणमा लिन सफल भएको प्रहरील जनाएको छ ।
