गोरखा – नोबल कोरोना भाइरसका कारण जारी रहेको निषेधाज्ञा गोरखामा छैठौं पटक थप गरी असार १९ गते राती १२ः०० बजे सम्मको लागि पुरयाईएको छ ।
जिल्ला कोभिड ब्यवस्थापन समितिको शुक्रबार जिल्ला प्रशासन कार्यालय गोरखामा बसेको बैठकले छैठौं पटक म्याद थप गरी पुनःअसार १२ गतेदेखी १९ गते राती १२ः०० बजे सम्मको लागि निषेधाज्ञा जारी गरेको हो ।
समितिका संयोजक तथा प्रमुख जिल्ला अधिकारीका अनुसार जिल्लाको हाल सम्मको बिद्यमान संक्रमणको दर, प्रवृत्ति र मृत्युदरको विश्लेषण समेतको आधारमा असार १२ गते राती १२ः०० बजे सम्मको लागि जारी भएको निषेधाज्ञा पुनः असार १९ गते राती १२ः०० बजे सम्म लम्बाउन उपयुत्त देखिएका कारण छैठौं पटक निषेधाज्ञाको म्याद थप गरिएको छ ।
शुक्रबार भएको निर्णय अनुसार औषधी पसल, सवारी साधन मर्मतका वर्कसप र पेट्रोल पम्प २४सैं घण्टा खुल्ला गर्ने भएको छ । तर यस्ता पसलहरु सञ्चालन गर्दा भने सामाजिक दुरी र स्वास्थ्य माप दण्ड भने अनिबार्य पालन गनुपर्ने निर्णयमा भनिएको छ ।
दैनिक उपभोग्य खाद्यान्न, तरकारी, फलफुल, दुध तथा दही, माछा, मासु, कृषिजन्य विउ, विजन, मल, पशुपन्छीका दाना बिक्री गर्ने पसलहरुलाई बिहान ५ः०० बजेदेखि ११ः०० बजे सम्म खुल्ला गर्न पाउने निर्णय भएको छ ।
निषेधाज्ञा कहिले कहिले भयो त ?
पहिलो पटक ०७८ साल बैशाख २२ गतेदेखी ३० गते राती १२ः०० बजेसम्म
दाश्रो पटक बैशाख ३० गते राती १२ः०० बजेदेखि जेठ १५ गते राती १२ः०० बजेसम्म
तेस्रो पटक जेठ १५ गते राती १२ः०० बजेदेखी २५ गते राती १२ः०० बजेसम्म
चौथो पटक जेठ २५ गते राती १२ः०० बजेदेखि असार ५ गते राती १२ः०० बजेसम्म
पाँचौ पटक असार ५ गते राती १२ः०० बजेदेखी १२ गते राती १२ः०० बजेसम्म
छैठौं पटक असार १२ गते राती १२ः०० बजेदेखी १९ गते राती १२ः०० बजेसम्म
हेरौं निर्णयहरु
