गोरखा – जातिय बिभेद गरेको भन्दै प्रजिअ मार्फत प्रधानमन्त्रीलाइ ज्ञापन पत्र पठाइएको छ । दलित सोलिडारीटी फ्रन्ट इन्टरनेश्नल नेपालले जातिय बिभेद भएको भन्द प्रमुख जिल्ला अधिकारी मार्फत प्रधानमन्त्रीलाई ज्ञापन पत्र बुझाएको हो ।
प्रधानमन्त्रीलाई बुझाइएको पत्रमा कलाकार रुपा सुनार माथि भएको घटनाले समग्र दलिम समुदायको आत्मा सम्मानमा चोट पुगेको ठहर गरिएको छ । सञ्चारकर्मी सुनारले कोठा खोज्ने क्रममा सबै कुरा मिलेको भएपनि आफु दलित समुदायको भएको थाहा पाएपछि घरवालाले कोठा नदिएको आवाज सामाजिक सञ्जालमा सार्वजनिक सार्वजनिक गरेकी थिईन ।
भटना पछि दोषीलाई कानुनी कारवाही माग गरेको भएपनि प्रहरीले त्यतिकै छोडको भन्दै दलित अगुवाहरुले आपत्ती जनाउदै आएका छन् । संस्थाका जिल्ला संयोजक राजेन्द्र सिर्मल, इन्टरनेसन प्रतिनिधी सुरेस अच्छामी, जिल्ला सदस्य मिलन सुनारले हस्ताक्षर गरि बुझाइएको ज्ञापन पत्रमा दोषी माथि कानुनी कारवाही गरि पिडितलाई न्याय दिन माग गरिएको छ ।
ज्ञापन पत्र बुझ्दै प्रमुख जिल्ला अधिकारी शर्माले ज्ञापन पत्रलाई सम्बन्धित निकायमा पुर्याईदिने प्रतिबद्धता व्यक्त गरे ।
