गोरखा । युवा ब्यवसायी दुर्गा श्रेष्ठले जिल्लाको विभिन्न स्थानमा स्वास्थ्य सामाग्रीहरु वितरण गरेका छन् । गोरखा आँपपिपल निवासी श्रेष्ठले पालुङटार नगरपालिकाको ११ स्थानमा आफै पुगेर स्वास्थ्य सामाग्री वितरण गरेका हुन् ।
राजधानीमा मदिरा ब्यवसाय गर्दै आएका श्रेष्ठले पालुङटार नगरपालिकाको वडा नम्बर २ मा रहेको हर्मीकोट, ओडारे, दार्मीचौर, थापागाउँ, आँपपिपल भञ्ज्याङ, रिपगाउँ, बिजुली डाडाँ र केउरेनीको राईगाउँका सर्व साधारणहरुलाई स्वास्थ्य सामाग्री वितरण गरेका थिए ।
श्रेष्ठले उत्त क्षेत्रमा रहेको २३५ घरलाई २० हजार थान मास्क, १०० ली.स्यानिटाइजर, ५० थान एन्टिजेन किडका साथै सिटामोल र भिटामिन सी १ हजार ५०० फाइल वितरण गरेको वडाअध्यक्ष लोकनाथ वाग्ले बताए ।
शुक्रबार र शनिबार २ दिन लगातार उत्त क्षेत्रमा स्वास्थ्य सामाग्री वितरण गर्दै सबैको दुःखमा आफु साथ रहेको सन्देश दिन सामाग्रीहरु वितरण गरेको ब्यवसायी श्रेष्ठले बताए ।
श्रेष्ठले पालुङटार नगरपालिका ३ को डुम्रेडाडाँमा पनि स्वास्थ्य सामाग्री वितरण गरेका थिए । एन्टिजेन किट २५ थान, १० ली. स्यानिटाइजर, ३ हजार थान सर्जिकल मास्कका साथै सिछामोल, खोकीको औषधी र भिटामिन सी समेत उपलब्ध गराएको स्थानिय विवश चिन्तनले बताए ।
त्यस्तै गरी उनले पालुङटार नगरपालिका ८ को लागि २५ थान एन्टिजेन किट, ३ हजार थान मास्क, १५ ली. स्यानिटाइजर र सिटामोट, खोकीको औषधी र भिटामिन सी पनि उपलब्ध गराएको वडाअध्यक्ष शंकल कड्ेलले बताए ।
समाज सेवी श्रेष्ठले आफ्नै खर्चमा स्वास्थ्य सामाग्री उत्त क्षेत्रमा वितरण गरेका हुन् । उनी तात्कालिन नेकपा माओवादी केन्द्रका पूर्व केन्द्रिय सदस्य समेत हुन् ।
