काठमाण्डौँ । उपत्यकाको भक्तपुर, ललितपुर र काठमाण्डौंमा साता दिन निषेधाज्ञा थप गर्ने बिषयमा तिनै जिल्लाका प्रजिअहरुको बैठक बस्ने भएको छ ।
बैठकमा निषेधाज्ञा साता दिनको लागि थप गर्ने र सवारी सधानमा जोर बिजोर प्रणाली लागु गर्ने बिषयमा छलफल हुने भएको छ । राजधानीको निषेधाज्ञा बिस्तारै खोल्दै जाने क्रममा आज हुने बैठकले कुन–कुन क्षेत्र खुल्न दिने भन्नेबारे निर्णय हुने भएको छ ।
साता दिन अगाडीबाट मात्रै राजधानीको तिनै जिल्लामा खाद्यान्न र तरकारी पसल बिहान ११ः०० बजेसम्म र निर्माण सामग्री विक्री गर्ने पसल अपरान्ह ४ः०० बजेपछि खुल्दै आएको छ । यस बिषयमा पनि आजको बैठक छलफल हुने छ ।
बैठकमा सरकारी कार्यालयमा भिड कम गर्न हप्ताको २ दिन बिदा दिने विषयमा पनि छलफल हुने अनुमान गरिएको छ ।
